Pilgern op Platt

Pilgern warrd wedder entdeckt. Lange Tied weer dat in uns evangeelsche Kark keen Thema. Man nu maakt veele Minschen sik op mit Rucksack un Wanderstock un gaht op de oolen Wege.  Geiht Pilgern op Platt? Wi seggt: Jo! Aver Pilgern is mehr as Wandern. Dorum fraagt wi, wat för een Sehnen achter dat Pilgern stickt un wat de Minschen sööken doot. Wi warrd de Diensdag rundum Ludwigslust ünnerwegens ween. Ok de, de nich so good to Foots sünd, köönt mitmaken. För de gifft dat een besonnere Programm. Dat Kolleg is ok aapen för de, de (noch) nich ganz seeker in’t Plattdüütsche sünd. Ok de sünd vun Harten willkamen!