Plattdüütsch Goddesdeenste warrd geern besöcht. En Truuerfier, en Golden Hochtied op platt röhrt dat Hart dull an. Man, dat gifft noch veele anner Stääden, wo Minschen inne (Kommunal-) Gemeende tosamenkaamt: Inne Füerwehr, bi`t Rode Krüüz, inne Sportvereen, in’t Theoter, inne School. Un ok dor warrd platt schnackt! Wi söökt miteenanner Bispeele, wo Plattdüütsch in`t Dörp un inne Stadt lebenni is. Un wi kiekt dornah, woans wi dat mit uns Arbeid inne Karkengemeende tosamenbringen köönt. In uns Warkstääd arbeidt wi an Texten, de uns dor wiederhölpen köönt. Inlaadt sünd all, de Platt schnacken doot, un de, de dat geern mal versööken wöllt.
